শ্রী ব্রহ্ম সংহিতা

Śrī Brahma-saṁhitā (in Bengali)

ঈশ্বরঃ পরমঃ কৃষ্ণঃ সচ্চিদানংদ বিগ্রহঃ
অনাদিরাদির্গোবিংদঃ সর্ব কারণ কারণং

চিংতামণি-প্রকর-সদ্মিসু কল্পবৃক্ষ-
লক্ষাবৃতেষু সুরভিরভিপালযংতং
লক্শ্মী-সহস্র-শত-সংভ্রম-সেব্যমানং
গোবিংদং আদিপুরুষং তমহং ভজামি

বেণুং ক্বণংতং অরবিংদ-দলাযতাক্ষং
বর্হাবতংসং অসিতাংবুদ সুংদরাংগং
কংদর্প-কোটি-কমনীয-বিশেষ-শোভং
গোবিংদং আদিপুরুষং তমহং ভজামি

আলোল-চংদ্রক-লসদ্-বনমাল্য-বংশী
রত্নাংগদং প্রণয-কেলি-কলা-বিলাসং
শ্যামং ত্রিভংগ-ললিতং নিযত-প্রকাশং
গোবিংদং আদিপুরুষং তমহং ভজামি

অংগানি যস্য সকলেংদ্রিয- বৃত্তি-মংতি
পশ্যংতি পাংতি কলযংতি চিরং জগংতি
আনংদ চিন্ময সদুজ্জ্বল বিগ্রহস্য
গোবিংদং আদিপুরুষং তমহং ভজামি

অদ্বৈতং অচ্যুতং অনাদিং অনংত-রূপং
আদ্যং পুরাণপুরুষং নব-যৌবনংচ
বেদেষু দুর্লভং অদুর্লভং আত্ম-ভক্তৌ
গোবিংদং আদিপুরুষং তমহং ভজামি

পংথাস্তু কোটি-শত-বত্সর-সংপ্রগম্যো
বাযোরথাপি মনসো মুনি পুংগবানাং
সো প্যস্তি যত্-প্রপদ-সীম্নি অবিচিংত্য-তত্ত্বে
গোবিংদং আদিপুরুষং তমহং ভজামি

একোsপ্যসৌ রচযিতুং জগদ্-অংড-কোটিং
যচ্ছক্বিরস্তি জগদংডচযা যদংতঃ
অংডাংতরস্থ পরমাণু চযাংতরস্থং
গোবিংদং আদিপুরুষং তমহং ভজামি

যদ্-ভাব-ভাবিত-ধিযো মনুজাস্তথৈব
সংপ্রাপ্য রূপ-মহিমাসন-যান-ভূষাঃ
সূক্তৈঃযমেব নিযম প্রথিতৈঃস্তুবংতি
গোবিংদং আদিপুরুষং তমহং ভজামি

আনংদ-চিন্ময-রস-প্রতিভাবিতাভিঃ
তাভির্য এব নিজরূপতযা কলাভিঃ
গোলোক এব নিবসতি অখিলাত্মভূতো
গোবিংদং আদিপুরুষং তমহং ভজামি

প্রেমাংজন-চ্ছুরিত-ভক্তি-বিলোচনেন
সংতঃ সদৈব হৃদযেষু বিলোকযংতি
যং শ্যামসুংদরং অচিংত্য-গুণ-স্বরূপং
গোবিংদং আদিপুরুষং তমহং ভজামি

রামাদি মূর্তিষু কল-নিযমেন তিষ্ঠন্
নানাবতারং অকরোদ্ভুবনেষু কিংতু
কৃষ্ণঃ স্বযং সমভবত্ পরমঃ পুমান্ যো
গোবিংদং আদিপুরুষং তমহং ভজামি

যস্য প্রভা প্রভবতো জাগদংড কোটি
কোটিষ্বশেষ বসুধাদি বিভূতি-ভিন্নং
তদ্ব্রহ্ম নিষ্কলং অনংতং অশেষ ভূতং
গোবিংদং আদিপুরুষং তমহং ভজামি

মাযা হি যস্য জগদংড শতানি সূতে
ত্রৈগুণ্য-তদ্-বিষয-বেদ-বিতাযমানা
সত্ত্বাবলংবি পরসত্ত্বং বিশুদ্ধসত্ত্বং
গোবিংদং আদিপুরুষং তমহং ভজামি

আনংদ-চিন্ময রসাত্মতযা মনঃসু
যঃ প্রাণিনাং প্রতিফলন্ স্মরতাং উপেত্য
লীলাযিতেন ভুবনানি জযত্যজস্রং
গোবিংদং আদিপুরুষং তমহং ভজামি

গোলোক নাম্নি নিজ-ধাম্নি তলে চ তস্য
দেবী-মহেশ-হরি-ধামসু তেষু তেষু
তে তে প্রভাব নিচযা বিহিতাশ্চ যেন
গোবিংদং আদিপুরুষং তমহং ভজামি

সৃষ্টি-স্থিতি-প্রলয-সাধন-শক্তিরেকা
ছাযেব যস্য ভুবনানি বিভর্তি দুর্গা
ইচ্ছনুরূপং অপি যস্য চ চেষ্টতে সা
গোবিংদং আদিপুরুষং তমহং ভজামি

ক্ষীরং যথা দধি বিকার-বিশেষ যোগাত্
সংজাযতে ন হি ততঃ পৃথগস্তি হেতোঃ
যঃ শংভুতামপি তথা সমুপৈতি কার্যাদ্
গোবিংদং আদিপুরুষং তমহং ভজামি

দীপার্চিরেব হি দশাংতরং অভ্যুপেত্য
দীপাযতে বিবৃত-হেতু-সমান-ধর্ম
যস্তাদৃগেব হি চ বিষ্ণুতযা বিভাতি
গোবিংদং আদিপুরুষং তমহং ভজামি

যঃ কারণার্ণব জলে ভজতিস্ম যোগ-
নিদ্রাং অনংত-জগদ্-অংড-স-রোম কূপঃ
আধার-শক্তিং অবলংব্য পরাং স্ব-মূর্তিং
গোবিংদং আদিপুরুষং তমহং ভজামি

যস্যৈক-নিশ্বসিতকালমথাবলংব্য
জীবংতি লোম-বিলজা জগদংডনাথাঃ
বিষ্ণুর্ মহান্ স ইহ যস্য কলা-বিশেষো
গোবিংদং আদিপুরুষং তমহং ভজামি

ভাস্বান্ যথাশ্ম-শকলেষু নিজেষু তেজঃ
স্বীযং কিযত্ প্রকটযত্যপি তদ্বদত্র
ব্রহ্মায এষ জগদংড-বিধান-কর্তা
গোবিংদং আদিপুরুষং তমহং ভজামি

যত্-পাদ-পল্লব-যুগং বিনিধায কুংভ
দ্বংদ্বে প্রণাম-সমযে স গণাধিরাজঃ
বিঘ্নান্ বিহংতং আলং অস্য জগত্-ত্রযস্য
গোবিংদং আদিপুরুষং তমহং ভজামি

অগ্নির্ মহী গগনং অংবু মরুদ্ দিশশ্চ
কালস্তথাত্ম মনসীতি জগত্-ত্রমাণি
যস্মাদ্ ভবংতি বিভবংতি বিশংতি যং চ
গোবিংদং আদিপুরুষং তমহং ভজামি

যচ্ছক্ষুরেষ সবিতা সকল-গ্রহাণাং
রাজা সমস্ত সুরমূর্তিরশেষ তেজাঃ
যস্যাজ্ঞযা ভ্রমতি সংভৃত-কাল-চক্রো
গোবিংদং আদিপুরুষং তমহং ভজামি

ধর্মো থ পাপ নীচযঃ শ্রুতযস্ত পাংসি
ব্রহ্মাদি-কীট-পতগাবধযশ্চ জীবঃ
যদ্ধত্ত-মাত্র-বিভব-প্রকট-প্রভাবা
গোবিংদং আদিপুরুষং তমহং ভজামি

যস্ত্বিংদ্রগোপং অথবেংদ্রং অহো স্বকর্ম
বংধানুরূপ-ফল-ভাজনম্ আতনোতি
কর্মাণি নির্দহতি কিংতু চ ভক্তিভাজাং
গোবিংদং আদিপুরুষং তমহং ভজামি

যং ক্রোধ-কাম-সহজ-প্রণযাদি ভীতি-
বাত্সল্য-মোহ-গুরু-গৌরব-সেব্য-ভাবৈঃ
সংচিংত্য তস্য সদৃশীং তনুমাপুরেতে
গোবিংদং আদিপুরুষং তমহং ভজামি

শ্রিযঃ কাংতাঃ কাংতঃ পরম-পুরুষঃ কল্পতরবো
দ্রুমা ভূমিশ্চিংতামণি-গণ-মযী তোযং অমৃতং
কথা গানং নাট্যং গমনং অপি বংশী প্রিয-সখী
চিদানংদং জ্যোতিঃ পরং অপি তদাস্বাদ্যমপি চ

স যত্র ক্ষীরাব্ধিঃ স্রবতি সুরভিভ্যশ্চ সু মহান্
নিমেষার্ধাখ্যো বা ব্রজতি ন হি যত্রাপি সমযঃ
ভজে শ্বেতদ্বীপং তং অহং ইহ গোলোকং ইতি যং
বিদংতস্তে সংতঃ ক্ষিতি-বিরল-চারাঃ কতিপযে

ধ্বনি

  1. শ্রী স্তোক কৃষ্ণ দাস এবং ভক্ত বৃন্দ- ইসকন বেঙ্গালুরু