ଶ୍ରୀ ଶ୍ରୀ ଗୁର୍ଵଷ୍ଟକ

Śrī Śrī Gurv-aṣṭaka (in Odiya)

ସଂସାର-ଦାଵାନଲ-ଲୀଢ-ଲୋକ
ତ୍ରାଣାଯ କାରୁଣ୍ଯ-ଘନାଘନତ୍ଵମ୍
ପ୍ରାପ୍ତସ୍ଯ କଲ୍ଯାଣ-ଗୁଣାର୍ଣଵସ୍ଯ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ମହାପ୍ରଭୋଃ କୀର୍ତନ-ନୃତ୍ଯ-ଗୀତ
ଵାଦିତ୍ର-ମାଦ୍ଯନ୍-ମନସୋ ରସେନ
ରୋମାନ୍ଚ-କଂପାଶ୍ରୁ-ତରଂଗ-ଭାଜୋ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ଶ୍ରୀ ଵିଗ୍ରହାରାଧନ ନିତ୍ଯ ନାନା
ଶୃଂଗାର-ତନ୍ମଂଦିର ମାର୍ଜନାଦୌ
ଯୁକ୍ତସ୍ଯ ଭକ୍ତାଂଶ୍ଚ ନିଯୁଂଜତୋଽପି
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ଚତୁର୍ଵିଧ ଶ୍ରୀ ଭଗଵତ୍ ପ୍ରସାଦ
ସ୍ଵାଦ୍ଵନ୍ନ ତୃପ୍ତାନ୍ ହରିଭକ୍ତ ସଂଘାନ୍
କୃତ୍ଵୈଵ ତୃପ୍ତିଂ ଭଜତଃ ସଦୈଵ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ଶ୍ରୀ ରାଧିକା-ମାଧଵଯୋର୍-ଅପାର
ମାଧୁର୍ଯ-ଲୀଲା-ଗୁଣ-ରୂପ-ନାମ୍ନାଂ
ପ୍ରତିକ୍ଷଣାସ୍ଵାଦନ-ଲୋଲୁପସ୍ଯ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ନିକୁଂଜ ଯୂନୋ ରତି-କେଲି- ସିଦ୍ଧ୍ଯୈ
ଯା ଯାଲିଭିର୍-ଯୁକ୍ତିର୍-ଅପେକ୍ଷଣୀଯା
ତତ୍ରାତି-ଦାକ୍ଷ୍ଯାଦ୍ ଅତି ଵଲ୍ଲଭସ୍ଯ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ସାକ୍ଷାଦ୍ଧରିତ୍ଵେନ ସମସ୍ତ-ଶାସ୍ତ୍ରୈର୍
ଉକ୍ତସ୍ତଥା ଭାଵ୍ଯତ ଏଵ ସଦ୍ଭିଃ
କିଂତୁ ପ୍ରଭୋର୍-ଯଃ ପ୍ରିଯ ଏଵ ତସ୍ଯ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ଯସ୍ଯ ପ୍ରସାଦାତ୍ ଭଗଵତ୍-ପ୍ରସାଦୋ
ଯସ୍ଯାପ୍ରସାଦାତ୍ ନ ଗତିଃ କୁତୋଽପି
ଧ୍ଯାଯନ୍ ସ୍ତୁଵଂସ୍ତସ୍ଯ ଯଶାସ୍ ତ୍ରିସଂଧ୍ଯାଂ
ଵଂଦେ ଗୁରୋଃ ଶ୍ରୀ ଚରଣାରଵିଂଦଂ

ଧ୍ବନି

  1. ଶ୍ରୀ ସ୍ତୋକ କୃଷ୍ଣ ଦାସ ଏବଂ ଭକ୍ତ ବୃନ୍ଦ- ଇସକନ ବେଙ୍ଗାଲୁରୁ