শ্রী জগন্নাথাষ্টক

Śrī Jagannāthāṣṭaka(in Bengali)

কদাচিত্ কালিংদী-তট-বিপিন-সংগীতক-রবো
মুদাভীরী-নারী-বদন-কমলাস্বাদ-মধুপঃ
রমা-শংভু-ব্রহ্মামর-পতি-গণেশার্চিত-পদো
জগন্নাথঃ স্বামী নযন-পথ-গামী ভবতু মে

ভুজে সব্যে বেণুং শিরসি শিখি-পুচ্ছং কটি-তটে
দুকূলং নেত্রাংতে সহচর-কটাক্ষং বিদধতে
সদা শ্রীমদ্-বৃংদাবন-বসতি-লীলা পরিচযো
জগন্নাথঃ স্বামী নযন-পথ-গামী ভবতু মে

মহাংভোধেস্তীরে কনক-রুচিরে নীল-শিখরে
বসন্ প্রাসাদাংতঃ সহজ-বলভদ্রেণ বলিনা
সুভদ্রা-মধ্য-স্থঃ সকল-সুর-সেবাবসর-দো
জগন্নাথঃ স্বামী নযন-পথ-গামী ভবতু মে

কৃপা-পারাবারঃ সজল-জলদ-শ্রেণি-রুচিরো
রমা-বাণী-রামঃ স্ফুরদ্-অমল-পংকেরুহ-মুখঃ
সুরেংদ্রৈরারাধ্যঃ শ্রুত-গুণ-শিখা গীত-চরিতো
জগন্নাথঃ স্বামী নযন-পথ-গামী ভবতু মে

রথারূঢো গচ্ছন্ পথি মিলিত-ভূদেব-পটলৈঃ
স্তুতি-প্রাদুর্ভাবং প্রতি-পদং উপাকর্ণ্য সদযঃ
দযা-সিংধুর্বংধুঃ সকল জগতাং সিংধু-সুতযা
জগন্নাথঃ স্বামী নযন-পথ-গামী ভবতু মে

পর-ব্রহ্মাপীডঃ কুবলয-দলোত্ফুল্ল-নযনো
নিবাসী নীলাদ্রৌ নিহিত-চরণোsনংত-শিরসি
রসানংদো রাধা-সরস-বপুর্-আলিংগন-সুখো
জগন্নাথঃ স্বামী নযন-পথ-গামী ভবতু মে

ন বৈ যাচে রাজ্যং ন চ কনক-মাণিক্য-বিভবম্
ন যাচেsহং রম্যাং সকল জন-কাম্যাং বর-বধূম্
সদা কালে কালে প্রমথ-পতিনা গীত-চরিতো
জগন্নাথঃ স্বামী নযন-পথ-গামী ভবতু মে

হর ত্বং সংসারং দ্রুত-তরং অসারং সুর-পতে
হর ত্বং পাপানাং বিততিং অপরাং যাদব-পতে
অহো দীনেsনাথে নিহিত-চরণো নিশ্চিতং ইদম্
জগন্নাথঃ স্বামী নযন-পথ-গামী ভবতু মে

Leave a Reply